Pesangon Pabrik

“Om aku njaluk pendapatmu”.

“iya piye”.

“Saiki perusahaanku kan lagi ora sehat. Beberapa pegawai wis padha diberhentikan. La, saiki awakku ditawari untuk resain. Menurutmu piye, om”.

“Yen diterusna kerja piye?. Maksudku yen tawaran iku ora diambil, terus awake dhewe tetep kerja nang perusahaan iku?.

“Ya, isa-isa wae, Om. Ning keadaan nang perusahaanku iku saiki lagi ora kondusif. Aku takon karo kanca sing sak pabrik bagian administrasi sing ngerti persalahan pabrik luwih akeh, jarene ya masa depane ora apik. Grafike terus menurun ngono lho, Om”.

“Mmm.. trus nek awakke dhewe milih metu, piye”.

“Ya.. pancen rencanaku ya arep metu ae. Soale yen metu, mengko oleh pesangon. Gedhene yen tak itung itung sekitar patang puluh jutanan, Om”.

“Wah, gedhe juga ya”.

“Iya, om. Saiki kan gajiku perbulane jumlahe sejuta rongatus wolulas ewu. Dikalikan masa kerjaku. Tak itung itung ya ketemu semono iku”.

“Mmm.. la kabare dodolanmu iku piye saiki”.

“Alhamdulillah, Om. Entukke isa satusan ewu. Isa nggo nambah-nambahi”.

“Satus ewu sedina ya?”.

“Seminggu, Om. Resik”.

“Oo.. ning terus isa tetep dodolan to, walaupun wis metu saka pabrik”.

“Ya.. isih, Om. Soale kan dodolanku iku nggo karyawan pabrikke. Dadi ora ana hubungani karo pabrik langsung”.

“Mmm.. nek ngono, menurutku ya awakke dhewe luwih apik metu ae. Yen di itung-itung, pesangon patang puluh juta iku kan padha ae gaji selama telung tahun luwih. Masak selama telung tahun ora entuk gawean. InsyaAllah yakin ae lah arep entuk gawean liyane. Apa malah ambukak usaha dhewe.”.

“Ngono ya, Om”.

“Iya, tinimbang awakke dhewe nerusna pekerjaan nang pabrik trus ora ana jaminan masa depan pabrikke iku arep kaya piye. Mumpung saiki ana tawaran risain, lan oleh pesangon. Yen mengko-mengko kan durung mesthi ana maneh tawaran ini”.

“Iya, Om”.

“Ning menurutku, awakke dhewe ya kudu ngati-ati. Sebab biasane yen wong wis nyekel dhuwi akeh iku perasaane wis ora perlu usaha maneh. Trus nganggo dhuwite iku poya-poya. Ora kerasa tiba-tiba dhuwite entek. Mulane mengko yen wis entuk dhuwit, ya aja lali yen iku nggo kebutuhan selama telung tahun. Kan ibarate gajine awakke dhewe telung tahun ngarep dibayar saiki. Trus aja lali muga-muga cepet oleh kerjaan maneh”.

“Iya, Om. Memang saka awal tekadku ya arep milih metu ae. Bar entuk pendapat iki aku dadi makin mantep lah kaya ngono”.

“Iya, yen menurutku ya kaya iku”.

“Iya, Om. Matur nuwun, Om !.